Анонсы: Апостальскі нунцый наведае Гродзенскую дыяцэзію

Дыяцэзія

Канферэнцыя Біскупаў

26.01.2012 12:13

4-5 лютага 2012 года Гродзенскую дыяцэзію наведае арцыбіскуп Клаўдыё Гуджэроцці, Апостальскі нунцый у Беларусі. Гэта будзе ўжо другі візіт прадстаўніка Ватыкана на Гродзеншчыну. Упершыню іерарх сустрэўся са святарамі гэтай дыяцэзіі ў снежні мінулага года падчас каляднай сустрэчы ў Лідзе.

У межах візіту 3-5 лютага 2012 г. Апостальскі нунцый узначаліць святую Імшу ў гродзенскай катэдры св. Францішка Ксаверыя. Распачнецца яна а 12-й гадзіне.
Арцыбіскуп Гуджэроцці быў прызначаны Апостальскім нунцыем у Беларусі 16 ліпеня 2011 года. У Беларусь прыбыў 10 кастрычніка.

Крыніца: www.catholic.by

Меркаваная праграма: матэрыял сайта: www.grodnensis.by

3 лютага:
18.00 - сустрэча ў біскупа з супрацоўнікамі Дыяцэзіяльнай курыі

4 лютага:
9.30-13.45 - Наведванне парафій і святынь Гродна (катэдра, Пабрыгіцкі касцёл, Пабернардынскі касцёл, Францішканскі касцёл, святыня, якая будуецца ў мікрараёне Фолюш, новыя касцёлы на Дзевятоўцы і Вішняўцы)
15.00 - сустрэча з алюмнамі ВДС у Гродне
16.30 - сустрэча з выкладчыкамі Вышэйшай духоўнай семінарыі
18.00 - св. Імша для семінарыстаў у капліцы ВДС

5 лютага
10.00 - прэс-канферэнцыя для каталіцкіх і іншых мясцовых СМІ (акрэдытацыя па тэл. +375292802462, кс. Павел Салабуда)
11.00 - наведванне катэхетычнага інстытута і сустрэча са студэнтамі
12.00 - св. Імша на лацінскай мове ў катэдры

ДЛЯ ДАВЕДКІ: Арцыбіскуп Клаўдыё Гуджэроцці нарадзіўся 7 кастрычніка 1955 г. у г. Верона, што ў Італіі. Святарскае пасвячэнне атрымаў 29 мая 1982 г.

Cкончыў факультэт Усходніх моваў і літаратуры пры Венецыянскім дзяржаўным універсітэце «Cà Foscari», а таксама атрымаў вучоную ступень магістра навукі святой літургіі пры Папскім літургічным інстытуце св. Анзэльма ў Рыме.

У 1985 г. паступіў на служэнне ў Апостальскую Сталіцу ў Кангрэгацыю па справах Усходніх Касцёлаў. Да свайго прызначэння Апостальскім Нунцыем у Беларусі нёс служэнне ў Грузіі, Арменіі і Азербайджане.